Psychology & Neurodiversity

دلوقتي الناس بقت مصالح عندك مصلحه من الدنيا تعب ما فيش مصلحه ولا يعرفوك

قبل ما تقرأ... افتكر إن مريض ثنائي القطب مش هيحكيلك كل اللي بيمر بيه.

#أشياء_لا_يقولها_مريض_ثنائي_القطب...

"أنا تعبت من إني كل شوية أحاول أقنع الناس إن اللي عندي مرض حقيقي... مش دلع، ولا ضعف شخصية، ولا قلة إيمان."

مش هيقولك إنه ساعات بيخاف من نفسه أكتر ما بيخاف من أي حد.

لأنه عارف إن فيه أيام هيصحى فيها حاسس إنه يقدر يفتح الدنيا كلها، عنده طاقة غير طبيعية، أفكار كتير، كلام كتير، ثقة كبيرة، وقرارات سريعة جدًا... وفي الوقت نفسه مش هيكون شايف إنه محتاج مساعدة.

ومش هيقولك إن بعد الأيام دي ممكن يدخل في فترة تانية...
يقفل على نفسه الأوضة.
يبطل يرد على التليفون.
يبقى مجرد الاستحمام أو الأكل أو الخروج من السرير بالنسبة له معركة.

مش هيقولك إنه بعد كل نوبة يقعد يجمع بقايا نفسه...
يراجع كلام قاله.
فلوس صرفها.
وعود وعدها.
وعلاقات اتأثرت بسبب تصرفات مكانش هو متحكم فيها بالكامل.

مش هيقولك إنه بيخاف يفرح زيادة...
لأنه بقى يسأل نفسه:
"هو أنا مبسوط طبيعي؟ ولا دي بداية نوبة هوس؟"

ولا هيقولك إنه ساعات بيشك في كل إحساس جميل بيعيشه...
لأنه مش عارف ده شعور حقيقي... ولا المرض هو اللي بيتكلم.

مش هيقولك إنه بيكره نظرة الناس لما يسمعوا اسم المرض.
في ناس أول حاجة تيجي في بالها إنه "مجنون".
وفي ناس تفتكر إنه شخص مزاجي.
وفي الحقيقة... هو شخص بيحارب اضطرابًا بيأثر على مزاجه، وطاقته، ونومه، وتفكيره، وقدرته على اتخاذ القرار.

مش هيقولك إنه مرهق من فكرة إنه لازم يبرر كل حاجة.
ليه اختفى؟
ليه بقى اجتماعي زيادة؟
ليه سكت؟
ليه اتكلم كتير؟
ليه نام يوم كامل؟
ليه فضل صاحي يومين؟

كأنه مطلوب منه يشرح نفسه طول الوقت.

مش هيقولك إنه ساعات بيحس بالذنب تجاه أهله...
لأنه شايفهم بيتعبوا معاه، وهو نفسه مش عارف يمنع اللي بيحصل.

ومش هيقولك إن أصعب حاجة مش المرض نفسه...
لكن الخوف من رجوع النوبات بعد فترة استقرار.

هيقولك "أنا كويس"...
بينما هو كل يوم ملتزم بعلاجه، وبينظم نومه، وبيحاول يتجنب الضغوط، وبيحارب أفكاره علشان يحافظ على استقراره.

مريض ثنائي القطب لا يحتاج أن تنظر إليه بخوف...
ولا أن تختزل شخصيته في تشخيص.

هو إنسان...
له أحلام، وشغل، وأسرة، وطموح، ومشاعر...
وبيستحق إنه يُعامل باحترام، ويتلقى العلاج المناسب، ويلاقي حد يفهمه بدل ما يحكم عليه.

لو تعرف شخص بيعاني من ثنائي القطب... افتكر إن دعمك وفهمك، وعدم السخرية من مرضه، ممكن يكونوا سبب في إنه يتمسك بالعلاج ويكمل حياته بشكل أفضل

في زحمة الحياة وضغوطها اليومية، نحتاج جميعاً إلى لحظة توقف قصيرة لإعادة ترتيب الأوراق وأخذ نفس عميق في زحمة الحياة نحتاج إلىٰ لحظة هدوء نحتاج ان نركن انفسنا في زاوية نرتب اوراقنا .... إنها دعوة للتأمل وتفقد الذات في وسط زحمة الحياة ..و تسابق خطانا نحو أحلامنا و أمنياتنا .. قد ننسى أنّ نتفقد ... لاستعادة التوازن الداخلي وسط عالم مليء بالمهام والمشتتات

🤍

إزاي الطفولة بتشكّل شخصيتنا وإحنا كبار؟

كتير بنفتكر إن اللي فات مات…
لكن الحقيقة إن الطفولة بتسيب بصمات عميقة، بتبان في اختياراتنا، ردود أفعالنا، وطريقة تعاملنا مع نفسنا والناس.

طفولتك ممكن تكون هي اللي علّمتك:

إنت تستحق حب ولا لأ

تعبر عن مشاعرك ولا تخبيها

تثق في الناس ولا تفضل على مسافة

تواجه مشاكل ولا تهرب منها

تشوف نفسك بعيونك… ولا بعيون اللي انتقدوك زمان

التجارب الإيجابية بتبنّي شخصية مرنة وواثقة،
والتجارب المؤلمة أحيانًا بتخلق جوانب حساسة أو دفاعية…
لكن الخبر الكويس إن الوعي والعلاج النفسي قادرين يعيدوا ترتيب الصورة ويصلّحوا اللي اتكسر.

إيه حاجة اتعلّمتها في طفولتك ولسه مأثرة عليك لحد النهارده؟

جماعه قولى بقالكوا قد ايه على الابلكيشن ووصلتوا لايه

الناس بقت مستخسره طاقتها حتى في اللي هم نفسهم فيه

اريد دكتور يشخص حالتي

"تملك خيار التعامل مع بعض الناس مثل إعلانات اليوتيوب ، يمكنك أن تتخطاهم بعد أول خمس ثواني من التعرف عليهم. وتواصل تخطيهم في كل مرة يظهرون لك."